Free Shipping On All Orders

Sally Helmy - Egypt +20127 706 0790 | +2012 7994 4787 | 0222689060
master card icon
22 Dec 2022

أغرب 5 عادات في تقديم الورد كهدية حول العالم

أغرب 5 عادات في تقديم الورد كهدية حول العالم-Sally Helmy - Egypt

حياتك ووجودك في مصر من وأنت صغير غالباً بتربط تقديم الورد كهدية  بمناسبات معينة. مثلاً في فبراير مش هتكون مفاجأة لو دخلت محل ورد لقيت المكان كله ورد أحمر، ومش شئ غريب إن في جنازة يكون حواليك ورد أبيض في كل مكان. لكن الحقيقة إن ده مش شئ ثابت حوالين العالم؛ لأن كل بلد وثقافة مختلفين في حاجات كتير، ومنها تقديم الورد كهدية في المناسبات المختلفة. خلينا النهاردة نتعرف على أغرب 5 حوالين العالم.

الورد من الهدايا الجميلة اللي بتسيب أثر في حياة اللي بيستقبلها. ومن زمان جداً وفي مختلف الأماكن بتعتبر رمز للحب والرومانسية، ما بين مدلولها في الشعر، وحضورها في الأفلام والأغاني. لكن رغم كل ده الأكيد هو إن تقديم الورد بيختلف من بلد لبلد حسب عاداتها ومدلول الورد واللون وأحياناً العدد كمان

 

تقديم الورد كهدية في روسيا حسب العدد

الورود من الهدايا المميزة والمرحب بيها بشدة في روسيا. بترمز دايماً لمشاعر طيبة وبتلاقي استقبال جميل لكن الجزء الغريب هو إن تقديم الورد كهدية في روسيا بيكون في أعداد فردية وبس. يعني قبل ما تبعت البوكيه أو تطلبه اتأكد من إن عدد الورد فردي. إلا لو كنت بتقدم الورد لجنازة فهنا بيكون العدد زوجي

 

تقديم الورد كهدية في المكسيك حسب اللون

الألوان في المكسيك مهمة جداً، وبتدي انطباعات مختلفة. فمثلاً اللون الأصفر هو لون الموت والحزن في المكسيك. لو بتخطط لموعد غرامي أو هدية رومانسية في المكسيك ابعد عن اللون الأصفر تماماً. كمان اللون الأحمر له مدلول قوي مش مجرد ورد رومانسي لكنه بيعبر عن المشاعر العميقة والحب الصارخ، لو مش جاد جداً في مشاعرك مش بانصحك تقدم بوكيه ورد أحمر

 

في فنلندا الورد للأصدقاء

تقليد بدايته كانت في التمانينيات لما بدأ الفنلنديين يقدموا الورد كهدية للأصدقاء في عيد الحب. علشان تكون مناسبة مش مقتصرة بس على الرومانسية بين الحبيب والحبيبة لكن كمان مناسبة للتعبير عن نقاء الحب بين الأصدقاء

 

تقديم الورد كهدية في كوريا حسب السن

رغم إن الورد الأحمر هو شعار الرومانسية والحب في دول كتير حول العالم؛ لكنه في كوريا بيعتبر الهدية الرسمية بين الشباب والشابات المقبلين على سن العشرين . في السن ده بيتنظم حفلة بمراسم احتفالية كبيرة، واللي من عاداتها هو تقديم الورد الأحمر كهدية

 

تقديم الورد كهدية في تايوان حسب درجة الحب

اتكلمنا قبل كده عن تقديم الورد حسب العدد، لكن في تايوان العادات تطورت إن كل عدد له مدلول محدد. فمثلاً تقديم الوردة الواحدة بتقول “أنت حبي  الوحيد”. وتقديم بوكيه من 99 وردة بيقول “حبي ليك أبدي”. وتقديم 108 وردة مناسب لعروض الجواز “تتجوزيني؟”. لو موجود في تايوان فابدء في تنشيط مهاراتك الحسابية لأن أكيد هتحتاجها لتقديم هدية متألقة

 

الورد الأبيض والأصفر في الصين تعتبر هدية غير مناسبة

اللونين الأبيض والأصفر في الورد بيعتبروا علامة للموت وسوء الحظ في الصين. بل إن الرقم 14 بيرمز كمان للتنميات السيئة. ابعد تماماً عن اللونين والرقم ده لتقديم هدية مميزة في الصين. قولنا ايه أغرب تقليد عرفته؟

تقديم الورد بمختلف أنواعه وألوانه هو لغة عالمية للتعبير عن الحب والمشاعر. لو بعد معرفتك بتقاليد وعادات مختلفة حسيت إنك حابب تشتري بوكيه ورد أنيق لحد عزيز عليك احنا دايماً معاك. فريق سالي حلمي هيساعدك تختار الهدية المناسبة لكل حد وفي كل مناسبة

تابعنا على فيسيوك وانستجرام لكل ما يخص توصيل ورد طبيعي أونلاين في القاهرة والجيزة

lotus icon
same-day icon Same Day Delivery
shipping icon We Ship Inside Cairo & Giza
payment icon We Accept Payment in Visa & MasterCard
aaib icon Online Payments Provided by CIB
Our customer support team is here to answer your questions. Ask us anything!